വീണുടഞ്ഞ തുള്ളികൾ

                              

വിരിഞ്ഞ പുലരികൾ മെല്ലെ കൊഴിഞ്ഞു മാറവെ

ഈ ഒഴിഞ്ഞ പാതയിൽ ഇനി ഒഴിഞ്ഞ നൊമ്പരം

പോയ കാലത്ത് നീ ഈ വഴിയെ എന്നിലായ്

ചിറകിൽ ചേർത്തെന്നെ ചുണ്ടൊട്ടുരുമ്മി മുത്തവും

നിന്റെ ചിറകിൻ കോണിൽ ഞാനെത്ര

ധന്യമാവേളകൾ

രാവു പകലു പോൽ ഞാൻ നിന്റെ കൂടെ സ്വപ്ന -

കൊട്ടാരങ്ങൾ തീർത്ത് തൊട്ടുരുമ്മി വെളുപ്പിച്ചതും.

ഹൃദയമേ നീ നിന്റെ വേദന ഇന്ന് എനിക്കായ് മാറ്റിവയ്ക്കു.....

കഴിയില്ലെനിക്കി ചില്ലയിൽ നിന്റെ വേർപാടിൽ ഇന്ന്

ഈ പുത്ത മരങ്ങളും എന്റെ കണ്ണിൽ വരണ്ടു പോയ്

എത്ര പൂവിട്ട സ്വപ്നങ്ങൾ ഇന്ന് ആര് പിടിച്ചുലച്ചു.

മതിയാവുവോളം നുകരാതെ എന്റെ പ്രണയം.. 

കണ്ണുനീർ തുള്ളി ഈ ചില്ല തൊട്ട് നോക്കുന്നു...

ഈ ഇറ്റു വീഴുന്ന കണ്ണീരിൽ കണ്ടു ഞാൻ എന്റെ-

നിറ വർണ സ്വപ്നങ്ങൾ എന്നെ നോക്കി കേഴുന്നു..

ഈ മഴക്കാടുകൾ എനിക്കായ് ഒരു മഴ

 പെയ്യിച്ചിരുന്നെങ്കിൽ

ഈ മഴക്കാടുകളും എന്റെ കണ്ണീരിൽ മൂകമായതോ?

ഈ മഴക്കാടും ഒരിക്കൽ എന്റെ പ്രണയത്തിൽ അസൂയ-

പൂണ്ട് ചിരി കാറ്റായ് വന്ന് നമ്മുടെ ചില്ല കുലുക്കി

  പൂ പൊഴിച്ചതും നീ ചിരിച്ചതും.... ഇനിയില്ല ...!

എന്റെ ഹ്യദയമേ... ഈ കഠിന നൊമ്പരം ഇന്ന് നീ

ഒന്ന് എനിക്കായ് നീ മാറ്റി വെയ്ക്കു.

ഈ ഉള്ളെരിഞ്ഞ് എന്റെ വിരഹം കണ്ണിൽ പെയ്യുമ്പോ

കാലമേ നീ എന്തിനു നൽകി ഈ കാലക്കേട് എനിക്കായ്

നെഞ്ചിൽ ഇനിയുമുണ്ട് .. പകരുവാൻ മാരിവില്ലുകൾ..

അന്നു കിന്നരം കണ്ട് കൂകിയ കുയിലും

ഇന്ന് ഈ കാടു കയറി യാത്ര ആയതോ .. :(

ഇന്നീ മഞ്ഞു പുലരികൾ വന്നു ഞെട്ടി ഉണരുമ്പോൾ..

അറിയാതെ ഞാൻ അരികിൽ നിന്നെ പരതുമ്പോൾ..

തിരിച്ചറിവ് ഉണരുമ്പോൾ അശ്രു നീ കണ്ണിൽ മൂടവേ..

എന്തിനോ ഞാനിന്നും ഈ മഞ്ഞേറ്റ് ഈ കൊമ്പിൽ.

കാത്തിരിക്കുന്നു എന്റെ നഷ്ട പ്രണയമേ...

എന്റെ മരണവും ഈ കാത്തിരുപ്പിൽ തീരട്ടെ..

- അഖിലേഷ് ആർ കായംകുളം